"Oqtay Şirəliyev koronavirusla mübarizədə aktiv iştirak edir"

"Oqtay Şirəliyev koronavirusla mübarizədə aktiv iştirak edir"
2093 dəfə oxunub
  • A-
  • A
  • A+

“Səhiyyə naziri Oqtay Şirəliyevin sağlamlığında problem yoxdur. O, iş başındadır”.

Axşam.az xəbər verir ki, bunu Səhiyyə Nazirliyinkn aparat rəhbıri Nadir Zeynalov jurnalistin “TƏBİB-in sədri hər dəfə brifinqlərə gələrək sualları cavablandırır, bəs Oqtay Şirəliyev isə niyə brifinqlərə qatılmır?” sualına cavab olaraq bildirib.

O qeyd edib ki, nazir səhiyyə sistemində koronavirusla mübarizədə aktiv iştirak edir: “O bir neçə dəfə efirə çıxıb müsahibə verib. Səhiyyə nazirliyi ilə ictimaiyyət arasında mübadilə mövcuddur”.

Prezidentin köməkçisi Hikmət Hacıyev isə bildirib ki, dövlət strukturları əlaqələndirilmiş şəkildə fəaliyyət göstərir:

"TƏBİB-lə Səhiyyə Nazirliyi arasında əmək bölgüsünə gəldikdə isə Azərbaycanda səhiyyə sistemində köklü islahatlar nəzərdə tutulurdu. İcbari tibbi sığorta tətbiq olunmalı idi. Təəssüf olsun ki, koronavirus müharibəsi başladı. Hər bir dövlət strukturu onların hamısının fəaliyyəti vahid mərkəzlə əlaqələndirilir və idarə olunur".