Aktrisa Mila Yavoviçin 12 yaşlı qızı Ever Qabo Anderson Hollivudun bir neçə böyük layihəsində yer alıb.

Axşam.az xəbər verir ki, aktrisa ötən gün həmkarı Skarlet Yohansonun baş rolunu canlandırdığı “Qara dul” filminin yeni bölümündə qızının da çəkildiyini bildirib.

“Marvell” şirkətinin lentə aldığı ekran işində Ever, Nataşa Romanofanın uşaqlıq obrazına həyat verib.

Bundan əlavə Mila qızının Piter Penin sərgüzəştləri haqqında çəkiləcək yeni filmdə də baş rollardan birini canlandıracağını söyləyib. “Piter Pen və Vendi” adlanacaq ekran işində Ever “Vendi” obrazını oynayacaq.