Dövlət Təhlükəsizlik Xidmətinin Mədəniyyət Mərkəzində "Mədəniyyət" kanalının təşkilatçılığı ilə şəhidlərin xatirəsinə ithaf olunan və Milli Qəhrəman Mübariz İbrahimovdan bəhs edən “Mübariz” operasının premyerası keçirilib.

Axşam.az xəbər verir ki, tədbirdə 20 yanvar gecəsinə həsr olunan rəsm sərgisi də nümayiş etdirilib.

Librettosu şair Şahin Musaoğluna, musiqisi bəstəkar Nərmin Nağıyevaya məxsus olan tamaşanın quruluşçu rejissoru Əməkdar artist İnarə Babayevadır. Operada Baş rolda Əməkdar artistlər Ramil Qasımov, Cahangir Qurbanov, Tural Ağasiyev, həmçinin Səbinə Ərəbli, Taleh Yahyayev, Şaban Cəfərov, Elçin Əhədzadə və Aydan Həsənova çıxış ediblər. Səhnə əsərinin quruluşçu baletmeysteri Əməkdar artist Ceyhun Qubadov, quruluşçu rəssamı Fərid Nəcəfovdur.

Tamaşada F.Əmirov adına Əməkdar kollektiv, Azərbaycan Dövlət Mahnı və Rəqs Ansamblı, Azərbaycan Televiziyası və Radiosunun Cahangir Cahangirov adına xoru (xormeyster Şəhla Ələkbərova) iştirak edib.

 
 
 
 
 
 
 
 


                 

Xəbər lenti