Son illərdə aparılan tədqiqatlar insanların, xüsusilə də qadınların ötən illərlə müqayisədə daha tez yaşlarda qocaldığını aşkar ediblər.

Qeyri-düzgün qidalanma, hərəkətin azalması, geni dəyişdirilmiş məhsullar, atmosferin çirklənməsi yaşlanmanı tezləşdirən əsas faktorlardandır.

Axşam.az xəbər verir ki, elm adamları qadın bədənində ifraz edilən hormonların sağlamlıq üçün çox vacib olduğunu bildiriblər. Hormonlarımız əhval-ruhiyyəmizə təsir edir, dərimizi gözəlləşdirir, erkən qocalmadan qoruyur.

Estrogen hormonu

Bu hormon kollagen və elastinin ifrazatını artırır. Estrogen çatışmazlığı sayəsində dəridə qırışlar yaranır. Bu hormonun ifrazatını artırmaq üçün heyvani zülalları bitki zülalları ilə əvəz etmək lazımdır.

Somatotropin hormonu

Bədənimizdə somatotropin hormonu azaldıqda dəridə qırışlar yaranır, bədənin ümumi qüvvəsi zəifləyir. Fiziki fəaliyyətlə məşğul olmaq bu hormonun səviyyəsini artırır.

DHEA hormonu

Bu hormonun erkən yaşlanma ilə birbaşa əlaqəsi var. Çatışmazlığı damarların həssaslığına, dərinin elastikliyinə təsir edir. Qidaya sağlam yağlar əlavə etmək hormonun ifrazına səbəb olur.

Son olaraq qeyd edək ki, təbii proses olan qocalmanın qarşısını almaq mümkün deyil. Ancaq gündəlik həyatda bəzi nüanslara diqqət edərək bu müddəti uzada bilərik.

 



                 

Xəbər lenti