Bu günədək Birləşmiş Ərəb Əmirliklərinin incəsənət muzeyinin işçiləri Leonardo da Vinçinin “Dünyanın xilaskarı” (Salvator Mundi) əsərinin harada yerləşdiyindən xəbərsiz olduqlarını bildirirdilər.

Axşam.az "Azərtac"a istinadən xəbər verir ki, dahi italyan rəssamın ən bahalı əsərlərindən biri tapılıb.

İyunun 11-də bir çox xarici KİV-də şedevr əsərin harada yerləşdiyi barədə məlumat yayılıb. Məlumata görə, əsərin Səudiyyə Ərəbistanının vəliəhd şahzadəsi Məhəmməd bin Salman Al Saudun şəxsi yaxtasında olduğu üzə çıxıb.

Leonardo da Vinçinin 1500-cü illərdə çəkdiyi Salvator Mundi adlı tablo 2017-ci ilin noyabrında 450 milyon 300 min dollara Badr bin Abdullah Al Saud tərəfindən satın alınmışdı. O vaxtdan bəri dünyanın ən bahalı rəsm əsərinin harada olduğu bilinmirdi.