"Youtube" təhlükəli və emosional zərbəyə səbəb ola biləcək zarafat videolarının yükləməsini qadağan edib.

Axşam.az xarici KİV-ə istinadən xəbər verir ki, şirkət insanların ciddi fiziki zədə ala biləcəyi həmin videoların saytın qaydalarına uyğun gəlmədiyi, insanların, uşaqların psixologiyasına mənfi təsir göstərdiyini açıqlayıb.

Qeyd edək ki, ötən ilin sentyabrından "Youtube" zərərli məzmuna malik videolarına görə ittiham olunub. Şirkət həmin videoların silindiyini desə də, amma bəzilərinin saytda qaldığı və hətta milyonlarla baxış topladığı məlum olub.