Hollivud aktrisası və rejissor Ancelina Coli kavaler xanım titulunu alıb.

Axsam.az-ın ANS PRESS-ə istinadən xəbərinə görə, Coliyə bu fəxri titulu Böyük Britaniya kraliçası II Yelizaveta verib.

Kino sahəsinin Oskarlı ulduzunun Britaniya imperiyasının ordeni ilə mükafatlandırılmasına səbəb Böyük Britaniyanın xarici siyasətində iştirakı və hərbi münaqişə zonasında seksual zorakılığa qarşı qlobal mübarizə kampaniyasında iştirakıdır.

Mukafatın verilməsi Bukinhem sarayında şəxsi qəbulun gedişatında olub. Mükafatın verilməsi haqqında qərar ilk dəfə iyun ayında Colinin Böyük Britaniyanın xarici işlər naziri Uilyam Xeyqomla birlikdə BMT-ın xüsusi elçisi kimi Londonda hərbi münaqişələrin zonasında seksual zorakılıq probleminə həsr edilmiş konfransında açıqlanmışdı.