61 yaşlı türk müğənnisi Zerrin Özər ötən bazar 34 yaşlı Murat Akıncı adlı şəxslə evlənmişdi.

Axşam.az xəbər verir ki, toydan cəmi 36 saat sonra fırıldaqçılıqda ittiham edilən ərindən boşanma qərarı alan müğənni anidən qərar dəyişdirərərk müxbirlərə "Murada güvənirəm. Boşanmayacağam" deyə, açıqlama vermişdi.

Bu gün Muradın atası canlı yayıma bağlanaraq oğlu ilə bağlı dəhşətli faktların üstünü açıb.

O, oğlunu və anasının fırıldaqçı olduğunu, varlıları tələyə saldığını bildirib:

"İlk arvadının bütün zinət əşyalarını oğurlayıb. O adam sərvət ovçusudur. Pulu olan hər kəslə əlaqə qurur, imkanlı qadın və ya kişi fərq etmir. Onu övladlıqdan çıxarmışam. Oğlumun bu cür böyüməsində günahkar anasıdır. Mənə maraqlıdır, Zerrin xanım bu saxtakarı çox axtarıb? Normal kişi özündən 27 yaş böyük qadınla evlənməz. Muradın onun evinə girməsi, Zerrin xanımın bitməsi deməkdir".

Buna cavab olaraq isə müğənni "Mən cavabımı aldım. Şokdayam. Kədərli deyiləm əsəbiyəm. Aldadılmaq dəhşətli şeydir. Hər qadın səhv edə bilər. Səhv etmək ayrı, axmaq olmaq ayrı. Axmaq deyiləm. Mənə atasının öldüyünü demişdi" deyə, o, bildirib.