Bu gün axşam saatlarında metronun “İçərişəhər” stansiyasında qatarın əyləc sistemində nasazlıq yaranıb.

Axşam.az "Qafqazinfo"ya istinadən xəbər verir ki, məlumatı Bakı Metropoliteni QSC-nin mətbuat xidmətinin rəhbəri Bəxtiyar Məmmədov da təsdiqləyib. Qurum rəsmisinin sözlərinə görə, əyləc sistemində yaranan nasazlıq səbəbi ilə platformaya spesifik qoxu yayılıb. Bu da sərnişinlər tərəfindən tüstülənmə kimi başa düşülüb.

Qeyd edək ki, yaranan problemə görə, sərnişinlər qatardan təxliyyə edilib. Qatar isə depoya göndərilib.