Qadın müğənnilərin nəzərinə - Vüqara "qardaş" deməyin...

Qadın müğənnilərin nəzərinə - Vüqara "qardaş" deməyin...
1593 dəfə oxunub
  • A-
  • A
  • A+

"Yeni ulduz" müsabiqəsinin qalibi Vüqar Muradov qadın sənətçilərin ona qardaş deməsinə qadağa qoyması barədə danışıb.

Axşam.az “Ölkə.az”a istinadən xəbər verir ki, sənətçi öz doğma bacısından savayı heç kimin ona qardaş deməsini istəmir:

"Xoşlamıram öz bacımdan başqa kimsə mənə qardaşım desin. Bu o demək deyil ki, şou-biznesdəkilərin hamısı pisdir, yaxud onları pis gözlə görürəm. Özündən xoflu, narahat olanlar bu açıqlamaya görə küsüblər, üzümə də baxmırlar. Dəfələrlə açıq şəkildə etirazımı bildirmişəm. Etiraz bildirdiyim adam o qədər də inciməyib, amma sosial şəbəkədə bu barədə yazandan sonra başqaları küsüblər”.

V.Muradov qoyduğu qadağanın səbəbini də açıqlayıb:

"Bu, mənim şou-biznesdə gördüklərimdən ümumi gəldiyim nəticədir. Bu aləmdə yaxşısı da var, pisi də, əyrisi də var, düzü də. Mən durub  bir-bir araşdırmayacağam ki... Burada inciyəsi bir şey yoxdur, hörmətlə yanaşmaq lazımdır. Bu sözümdən inciyənlər narahat insanlardır".