Axşam.az-ın məlumatına görə, bu dəfə üç tanınmış xanım yayımladığı foto ilə diqqət çəkib.

Əməkdar artist Röya Ayxan ötən gün sinə dekolteli cins libasla şəkillər lentə aldırıb. O, sinəsinin yarıya qədər açıq olduğu şəkilləri İnstaqramda paylaşıb. 30 mindən çox bəyəni toplayıb, 500-ə qədər şərhin yazıldığı fotoda sənətçinin ünvanına ancaq təriflər qeyd edilib.

Fotosu ilə gündəm olan digər xanım isə aparıcı Vüsalə Əlizadə olub. Antalyada dincələn Əlizadə kürəyiaçıq top və şortiklə olan, arxadan çəkilən şəklini izləyiciləri ilə bölüşüb. "Mənim əziz diceyim, sevimli mahnımı çal" şərhi yazdığı fotosunda Vüsalə şərh bölümünü də bağlayıb.

Aktrisa Zümrüd Qasımova isə uzun yarıqlı geyimdə şəkil paylaşıb. O, fotoya "Həyat davam edir... Heç nəyə baxmayaraq..." sözlərini qeyd edib.