Üç mövsümdür davam edən “İstanbullu gelin” serialı 31 mayda final edəcək.

Axşam.az xəbər verir ki, finala doğru yaxınlaşdıqca serialın baş qəhrəmanı Süreyyanın keçmişi ilə üzləşmə səhnələri ekrana gətirilir.

“İstanbullu gelin” adlı kitabda sonda Süreyyanın şizofren olduğu bildirilir. Hazırki seriyalarda isə onun uşaqlığında yaşadığı bütün hekayəni özünün quraşdırdığı və ətrafındakı insanları buna inandırdığı ortaya çıxır.

Onun beynində başqa bir uşaqlıq hekayəsini qurması isə şizofren olmasına dəlalət edir.

Qeyd edək ki, ekran işi real həyatdan götürülüb.