2017-ci ildə Mahaçqalada Filipp Kirkorovun konsertində teror təşkil etmək istəyən şəxslərin sifarişçisi olaraq Maksim Qalkin günahlandırılır.

Axşam.az rus mətbuatına istinadən xəbər verir ki, bu barədə məhkəmə zamanı teror aktını törətməyə cəhddə günahlandırılan Xıdırnəbi Qazuyev məlumat verib.

O söyləyib ki, Filippi öldürmə əmrini Qalkindən alıb. Buna səbəb isə onun müğənnini həyat yoldaşı Alla Puqaçovaya qısqanmasıdır.

Bildirilir ki, Qalkin qətli gerçəkləşdirməsi üçün  Xıdırnəbiyə 2 milyon rubl (təxminən 51 min manat) təklif edib.

Xıdırnəbi onu da deyib ki, ilkin ödəniş olaraq ona 1 milyon rubl (təxminən 25 min manat) ödənib. O, isə bu pulu partlayıcı maddə almaq üçün xərcləyib və daha sonra bir çox insana zərər verəcəyini düşünüb və əməlindən vaz keçib.